Korrupsioni në universitete është një fenomen mjaft shqetësues.
Qeveria është duke hartuar një program që të nxisë denoncimet nga personat që janë dëshmitarë dhe vetë pre e korrupsionit.
Kryeministri Edi Rama ka kërkuar sot mendimin e vetë studentëve para se së të miratohet një pikë e programit që ka të bëjë me ta.
Kështu, sipas kësaj pike, për këdo student që denoncon dhe sjell prova për presion korruptiv, do t’i zerohet tarifa dhe do të marrë bursë studimi njëvjeçare.
“Jepni mendimet tuaja. “Koha për një përshkallëzim të ri kundër korrupsionit! Po punojmë për një program nxitjeje kundër heshtjes dhe denoncimit me provë abuzuesit. Një ide në diskutim është: Çdo student denoncues që sjell provë për presion korruptiv nga kushdoqoftë, zeron tarifën e merr bursë njëvjeçare!”, shkruan krei i qeverisë në rrjetet sociale.
Kjo risi pritet të rrisë presionin në universitete por edhe të ulë korrupsionin që është përhapur në masë në fakultete.
