Të gjithë mund ta pranojmë: I duam mediat sociale! I duam sepse mund të lidhemi me njerëzit, “mburremi” për atë që kemi, marrim informacion apo e kemi burim të ardhurash.
I duam në atë kuptim të fjalës sa për çdo gjë që bëjmë mund të pyesim veten: “Nëse nuk e postoj, a ka ndodhur vërtetë?”.
Na pëlqen të marrim “pëlqime” apo “komente” dhe kontrollimi i rrjeteve sociale është shpesh gjëja e parë që bëjmë në mëngjes, madje para se sytë të na hapen plotësisht.
Këtu nuk do të shkruajmë për vaktin e drekës apo për kafshën tënde shtëpiake, por për diçka shumë të rëndësishme, që i ndryshon jetën gjithsecilit: FËMIJËN.
Të postojmë ose jo foton e parë pas lindjes së foshnjës? Kjo është një nga pyetjet që mundon thuajse çdo prind.
Dy të famshmet shqiptare, Amarda Toska dhe Floriana Garo, mirëpritën vajzat e tyre më 12 mars dhe këtë e mësuam përmes fotove të publikuara nëpër mediat sociale. Dy nënat zgjodhën dy mënyra krejt të ndryshme publikimi: Amarda postoi një foto të vajzës me të në krah, ndërsa Floriana vetëm të duarve.
Askush nuk mund të thotë se cili ishte veprimi i duhur apo jo, por mund t’ju japim një ide se çfarë mund të bëjnë nënat e reja, kur të gjenden përballë një situate të tillë.
Kur flitet për të postuar fotografi të fëmijëve, prindërit shpesh janë fajtorët më të mëdhenj.
Një studim i dy viteve më parë në SHBA zbuloi se 63% e nënave përdorin “Facebook”; prej tyre, 97% thanë se postonin foto të fëmijës së tyre; 89% përditësojnë statusin e tyre rreth fëmijëve dhe 46% postojnë video, shkruan “Guardian”.
Nuk ka asgjë të keqe të postosh foto të foshnjës, por siç thotë Sonia Livingstone, profesoreshë e psikologjisë sociale në Shkollën e Ekonomisë në Londër, është e rëndësishme përmbajtja e postimit.
“Mendoj se duhet të fillojmë me pyetjen e kostos – nëse ju postoni një fotografi të fëmijës suaj me shenjën në krahun e tyre, ose të zemëruar, ndoshta do të ketë një kosto. Nuk lidhet me të gjitha fotografitë, por disa fotografi që janë problematike”.
Gjithsesi duhet të jemi të moderuar kur flitet për postimin e fotografive të fëmijëve në “Facebook” apo “Instagram” dhe disa prindër modern po kujdesen për atë që publikojnë ose që vendosin të “shpërndajnë”.
Nuk është një garë për “pëlqime”
Njerëzit e duan lidhjen shoqërore dhe ndoshta të marrë disa “like” duket si shenjë shpërblimi në mendjen tonë, është ajo pjesa që i bën mediat sociale kaq imponuese. Por vjen një moment që ti nuk kërkon nëse vlen apo jo, nga njerëzit që ndodhen në mediat sociale.
Sado që mund ta adhuroni të publikoni foto të fëmijës suaj si ëngjëll në mediat sociale, do ta gjeni veten duke peshuar kënaqësinë e përkohshme të aprovoimit të internetit dhe aftësinë e fëmijës suaj për të më dhuruar ato çastet e lumtura.
Fëmijët nuk mund ta kontrollojnë prezencën e tyre online
“Një tjetër “kosto” është shqetësimi se fëmijët një ditë mund të jenë të pakënaqur me publikimet e bëra më parë nga prindërit e tyre”, shkruan Stacey B. Steinberg, autore e një studimi mbi privatësinë e fëmijëve në epokën dixhitale. “Kur prindërit ndajnë informacion në lidhje me fëmijët e tyre online, ata e bëjnë këtë pa pëlqimin e fëmijëve të tyre”.
Mund të postoni foto të një pjese të kokës, por ndoshta nuk është mirë që të dokumentoni çdo ditë të tijën.
Shqetësimet rreth privatësisë
Çështjet e privatësisë kanë paraqitur një rast ku të famshmit janë me të vërtetë si ne? Në vitin 2013, dëshmitë e Jennifer Garner dhe Halle Berry ndihmuan në kalimin e një ligji në Kaliforni për të penalizuar paparacët për publikimin e fotove të fëmijëve të atyre që ishin personazhe publikë. Të famshmit shqiptarë si Alketa Vejsiu, Arbana Osmani apo Soni Malaj kanë vendosur që mos të publikojnë asnjë foto të fëmijëve të tyre, për të mos shkelur privatësinë.
Pavarësisht punës që bëjnë, prindërit mundohen që të ndajnë jetën private nga ajo personale. Dhe këta njerëz mendojnë se të tjerët nuk kanë pse të mësojnë për jetën e tyre përmes mediave sociale. Nëse je një mik i tyre, mund t’i telefonosh dhe t’i takosh në shtëpi.
Çdo gjë me masë
Kur t’i publikon pambarimisht foto të fëmijës, duhet të dish që shumë personave u kthehet në acarim. Pavarësisht se mund të jenë prindër apo beqar, çdo gjë ka një kufi. Fëmija yt të duket i bukur, ndaj mund ta fotografosh pambarimisht, por jo çdo shkrepje duhet të kthehet në postim.
Gëzoni kohën e çmuar që kaloni bashkë
Pavarësisht se mund të qëndroni për 24 orë në shtëpi me të, një pjesë të kohës jua marrin rrjetet sociale, si përgjigjet e komenteve në “Facebook”. Çfarë duhet të bëni? T’i kushtoni rëndësi çdo momenti që kaloni me fëmijën tuaj, sepse t’i jepni materiale njerëzve në mediat sociale nuk është prioriteti juaj.
