Xheradina Vula, nëna e reperit Ledri Vula, është po aq e njohur sa edhe i biri. Ajo njihet nga të gjithë si moderatorja e emisionit “Diçka po zihet”, ndërsa së fundmi e kemi parë edhe në rolin e anëtares së jurisë në “Master Chef Junior”.
Ditën e sotme ajo ishte e ftuar në emisionin “Chaud Patate” në “Energy Radio”, ku ka rrëfyer disa të fshehta të jetës së saj private. Xheraldina si gjithmonë ka treguar lidhjen e veçantë që ka me Ledrin, por në të njëjtën kohë i ka habitur të gjithë duke deklaruar se i vijnë shkues në shtëpi për t’i kërkuar dorën e djalit.
E pyetur nga drejtuesit e emisionit “Chaud Patate” në lidhje me këto kërkesa për shkuesi, Xheraldina jo vetëm që i pranoi por tregoi edhe një rast që i kishte ndodhur së fundmi.
“Mu kujtua dhe fytyra…. Po natyrisht që ka, dhe unë do të doja që Ledri të ketë një vajzë të mirë. Po ka pas raste të tilla, nuk kanë ardhur direkt, por normal unë e kam mbyll gojën se s’ke çka me thënë sepse nuk varet absolutisht dhe nga unë as prej saj se ndoshta ajo e ka dëshirën e saj por vajza nuk e ka. Mendoj se kanë qenë më shumë dëshira të së ëmës se e bija nëse do të donte do ta gjente një nga mënyrat e veta. Më vinte rëndë.”,- tha Xheraldina.
