Moderatorja e televizionit “Klan Kosova” Jehona Bajrami Gashi do të bëhet nënë për herë të dytë.
Në një intervistë për emisionin “Prive”, ajo zbuloi edhe gjininë e bebit, duke rrëfyer mes emocioneve se do të bëhej nënë e një djali. Jehona është në ditët e fundit të pritjes së ëmbël, por nuk ka ndërmend që të marrë pushime për shumë gjatë pas lindjes së bebit, pasi do të kthehet në krye të detyrës.
“Shumë shpejt do të kthehem në ekran. Jo për institucionin ku punoj, por për veten time dua të vi sa më parë në ekran” – tha moderatorja.
Moderatorja Jehona Bajrami Gashi ka lidhur kurorë disa vite më parë me zëvendëskryeministrin e Kosovës Dardan Gashi, me të cilin ka edhe një djalë.
