Dy ditë më parë, Afërdita Dreshaj dha lajmin më të bukur të jetës së saj.
Ajo solli në jetë vogëlushin e shumëpritur, duke u bërë nënë për herë të parë. Afërdita publikoi një foto, në të cilën shihet përkrah bashkëshortit, Jakub Kindl dhe të voglit të tyre.
“Nuk mund ta përshkruajmë këtë dashuri”, ka shkruar ajo përkrah fotos.
Të njëjtin imazh ka publikuar edhe bashkëshorti i saj, i cili ka shkruar: “Zemrat tona po shpërthejnë”.
Dyshja vendosi ta pagëzojë të birin me emrin Blue Sky, si për t’i treguar të birit dashurinë e tyre të madhe sa qielli i pafundëm.
Sot, Afërdita ka publikuar çdo të dhënë tjetër nga lindja e djalit, duke na shuar të gjithëve kuriozitetin e madh.
Ajo ka treguar datën dhe orën e saktë, peshën dhe gjatësinë e të voglit.
Kujtojmë se para pak ditësh Afërdita u bë edhe hallë për herë të parë, pasi vëllai i saj u bë baba i një djali. Ai vendosi që të voglin ta pagëzonte me emrin Martin, që për familjen Dreshaj është shumë domethënës.
Babai i ndjerë i Afërditës quhej Martin, ndaj vëllai i saj e pagëzoi të voglin me këtë emër, gjest që e emocionoi jashtë mase shumë këngëtaren.
