Momenti kur kupton se pret të bëhesh nënë është një nga më emocionuesit për çdo femër. Dhe viti 2017-ta ka qenë një bekim për shumë nga femrat e njohura të ekranit shqiptar, të cilat u bënë nëna për herë të parë.
Por edhe për ato që e ripërjetuan këtë ndjesi duke sjellë në jetë fëmijën e tyre të dytë.
“Iconstyle.al” ju kujton të famshmet shqiptare të cilat sollën në jetë fëmijën e tyre të parë ose të dytë këtë vit.
1.Delinda Zhupa
E para që u bë nënë në 2017-n, ishte aktorja e njohur e spektaklit të humorit, “Portokalli”, Delinda Zhupa. Ajo solli në jetë më 21 shkurt fëmijën e saj të parë, djalin Dasantini. Ajo njihet për disa role në spektaklin e humorit, si Kimetja apo drejtoresha e tatimeve.
2.Adelina Ismaili
Diva e muzikës shqiptare priti fëmijën e saj të parë më 19 prill me partnerin, Vali. Ai e pagëzoi djalin me emrin Uliks, i cili është një emër mbreti, varianti latin i Odiseut (greq. Odysseus, lat. Ulixes), mbret i Itakës, heroi simbol i zgjuarsisë (dinakërisë), trimërisë dhe guximit në mitologjinë greke gjatë Luftës së Trojës.
3.Tuna Sejdiu
Këngëtarja Tuna Sejdiu u bë nënë për herë të parë në moshën 32-vjeçare. Ajo dhe partneri Patris Berisha pritën djalin Tian, më 2 maj. Në enciklopedinë online, Tian lidhet me dy kuptime. I pari si i shenjtë, kurse kuptimi i dytë dhe më i përhapur është ai që lidhet nga mitologjia kineze. Tian, është një prej koncepteve kineze më të vjetra për kozmosin si nocion kyç në mitologjinë, filozofinë dhe religjionin e lidhur me këtë popull.
4.Jorida Tabaku
Deputetja e Partisë Demokratike, Jorida Tabaku u bë nënë për herë të parë më 13 qershor. Ajo solli në jetë dy vajza binjake. Deputetja është prej kohësh e martuar me bashkëshortin Saimir Sallaku, me të cilin ka 17 vjet e dashuruar.
5.Laura Vorpsi
Ish-zëdhënësja e Partisë Demokratike, Laura Vorpsi, u bë nënë për herë të parë më 6 maj. Vorpsi solli në jetë vajzën, të cilën e ka quajtur Krisa. Brunia simpatike ka qenë prej kohësh në një lidhje me biznesmenin nga Tirana, Theodhori Çami.
Çami është biznesmen i njohur, pronar i televizionit “In”, i kompanisë “Universal Albanian Media” dhe i agjencisë publicitare “Le spot”.
6.Leonora Poloska
Këngëtarja e njohur shqiptare Leonora Poloska, u bë nënë për herë të parë më 15 gusht. Andin Randobrava, bashkëshorti i saj bëri të ditur lajmin nëpërmjet një postimi, ku publikoi një foto të vogëlushes të vogël. Ndërsa tashmë këngëtarja publikon vete foto të Andorës.
7.Ryva Kajtazi
Këngëtarja kosovare, Ryva Kajtazi pas një dështimi, arriti që të bekohej me një vajzë në fillim të muajit prill.
8.Ilva Tare
Ajo solli fëmijën e saj të dytë në jetë menjëherë sapo mbaroi prezantimin, gjatë festës së 10-vjetorit të “Ora Neës”, më 28 shtator. Ilva Tare u bë nënë për herë të dytë, pas vajzës së parë emri i të cilës është Melodi, emër të cilin e kishte zgjedhur vetë moderatorja.
Më djalin ka ndodhur ndryshe pasi ka qenë bashkëshorti i saj Eduard Selami, i cili i ka vendosur emrin Thomas.
9.Pranvera Borakaj
Edhe gazetarja Pranvera Borakaj ka qenë në emisionin “7 pa 5”, të cilin e prezanton prej kohësh bashkë me Nolian Lolen, kur pasi përfundoi programin, iu drejtua maternitetit për të sjellë në jetë vajzën e saj. Ajo u bë nënë më 23 shtator e vajzës Annasiol.
