Nëna e Cristiano Ronaldos është dërguar me urgjencë në spital pasi pësoi një goditje në tru.
Nëna e katër fëmijëve Dolores Aveiro thuhet se është shtruar në Spitalin e Dr. Nelio Mendonca në ishullin e saj të lindjes Madeira, menjëherë pas orës 5 të mëngjesit.
Mediat lokale thonë se ajo është “e ndërgjegjshme dhe e qëndrueshme”. Gruaja do t’u nënshtrohet disa analizave të reja brenda orëve të ardhshme për të përcaktuar gjendjen e saj shëndetësore.
Një burim i brendshëm thotë se ajo ka pësuar një goditje të shkaktuar nga një mpiksje gjaku që bllokon një enë që çon gjakun në tru.
Ky është lloji më i zakonshëm i goditjes sipas mjekëve. Në fillim të vitit të kaluar, Dolores zbuloi se vuante nga kanceri në gji, por pasi u diagnostikua me sëmundjen në vitin 2007, ajo u shërua.
Në vitin 2009, ylli i Manchester United, Ronaldo dhuroi 100,000 paund për të ndërtuar një qendër të re të kancerit në spitalin ku mjekohej nëna e tij.
Por, në shkurt të vitit të kaluar përpara një udhëtimi në Itali për të festuar 35-vjetorin e lindjes së djalit të saj, ajo pranoi se kishte probleme të reja shëndetësore:
“Unë bëra një operacion në gjirin tjetër në Madrid, kam bërë radioterapi dhe tani po luftoj për jetën time”.
Nuk ka asnjë koment zyrtar nga spitali sot, dhe nuk ka asnjë përgjigje të menjëhershme për lajmet nga përfaqësuesit e futbollistit në Portugali.
