Shakira ka ngjallur shqetësim për gjendjen e saj shëndetësore, për faktin se javët e fundit ka vizituar shpesh një spital në Barcelonë, sipas podcast-it “Mamarazzis”, ku gazetaret Laura Fa dhe Lorena Vazquez shprehën shqetësimin e tyre për këngëtaren kolumbiane.
“Ne kemi fotografi, informacione, se çdo javë ajo viziton klinikën “Teknon” në Barcelonë,” thanë Fa dhe Vázquez në podkastin e tyre.
Ndonëse fillimisht mendohej se Shakira shkonte në këtë spital, shkak i babait të saj William Mebarak, i cili së fundmi pësoi një shqetësim shëndetësor.
Por, Shakira nuk po shkon në spital për të atin.
“Nuk është për shkak të babait të saj. Ajo nuk ka shkuar të takojë asnjë pjesëtar të familjes dhe është e vërtetë që ka shkuar edhe vetëm”, thanë Fa dhe Vazquez. “Nuk e dimë se çfarë nuk shkon me të. Ndoshta është thjesht një çështje estetike, që ajo dëshiron të përgatitet për turneun e ri, ose ndoshta është një problem shëndetësor. Nuk e dimë.”
Nga ana e saj, këngëtarja nuk ka bërë asnjë koment për këtë çështje, ndërsa ka promovuar këngën e saj të re: “Monotonía”, një këngë që me sa duket ka të bëjë shumë me ndarjen e saj me Gerard Pique.
Kjo nuk është hera e parë që këngëtarja jeton momente të ndërlikuara me shëndetin. Në vitin 2012, kur ishte shtatzënë me fëmijën e saj të parë, Milan-in, çifti i atëhershëm i lumtur konfirmoi se këngëtarja vuante nga toksoplazmoza, një sëmundje që mund të shkaktojë infeksione të lehta deri në rrezik për jetën, kështu që kolumbianes iu desh t’i nënshtrohej një kujdesi të veçantë gjatë dy shtatzënive të saj. (Milan-i ka lindur në janar 2013 dhe Sasha në janar 2015).
