Ditën e sotme u bë i ditur lajmi se Arkimed Lushaj i njohur me emrin e artit Stresi, la qelinë. Pak orë pasi Gjykata e Tiranës vendosi të lirojë me kusht reperin ka reaguar babai i tij Sali Lushaj.
Ai falenderon miqtë dhe dashamirësit për mbështetjen, ndërkohë që paralajmëron sfida të tjera në vazhdim.
“Miq, shokë e dashamirës. Kurrë nuk kam dashur luftërat, por jeta ka beteja që duhen fituar. Ju faleminderit për mbështetjen të gjithëve. Sfida të tjera në vazhdim”, shkruajti Lushaj në Facebook, por vetëm dy orë më vonë ka shpërthyer ndaj mediave, duke mallkuar edhe gazetarët.
“Ah media të fëlliqura që jeni ba si ato kazanët e rakisë kur janë të shpuar. Përse nuk thoni të vërtetën që Stresi u arrestua nga ky pusht pushtet me akuzat më të rënda. Krim kundër personit, krijim i organizatave kriminale. Shef i shpërndarjes së lëndëve narkotike me 25 veta. Kjo ishte komunikata e llakaperëve të pushtetit. Ju pata thënë që asnjë nuk qëndron. Ku jeni si sot 8 muaj o të pafytyrë. Turpi ju mbuloftë. Kurrë nuk do dorëzohemi para jush o bisha të plagosura që jeni në grahmat e fundit. Zoti ua ktheftë”, mallkon Sali Lushaj.
