Origanizata jofitimprurëse “Jonathan Center” ka bashkëpunuar së fundmi me SNAP Atelier & Café një nismë e re, e cila do të ketë si synim ofrimin e shërbimeve të një kafeneje dhe atelier, duke përfshirë të rinjtë me nevoja të posaçme mbi 17 vjeç në trajnimin dhe përgatitjen e tyre drejt punësimit.
SNAP (Special Needs Albanian Program) financohet nga Bashkimi Europian, në kuadër të projektit “Përhapja e Ndërmarrjeve Sociale: formim profesional, puna dhe përfshirja”, dhe zbatuar nga ENGIM Albania, Qendra Sociale Murialdo, Help in Albania dhe Libera Internazionale, e cila ka si qëllim nxitjen e zhvillimit të ndërmarrjeve sociale në Shqipëri në mënyrë të qëndrueshme dhe gjithëpërfshirëse.
View this post on Instagram
Çfarë është “Jonathan Center”?
Përshkrim i shkurtër:
Jonathan Center është një organizate jofitimprurëse e cila ka synime të aftësoje individët me nevoja të posaçme, me fokus të veçante ata me Sindromen Down, për një jete të pavarur dhe për t’u integruar në shoqërinë shqiptare me të drejta të plota.
Mbështetësit tanë janë individë nga Shqipëria dhe individë të huaj.
Shërbimet që qendra ofron janë terapi individuale dhe terapi në grup si:
– Terapi zhvillimi (përditë në bazë të kërkesës së prindërve dhe nevojës së fëmijës)
– Terapi të folure (përditë në bazë të kërkesës së prindërve dhe nevojës së fëmijës)
– Terapi muzike (përditë në bazë të kërkesës së prindërve dhe nevojë së fëmijës)
– Terapi Arti (punishtja jonë e letrës është e hapur një herë në javë si terapi grupi)
– Kujdes Shëndetësor (çdo gjashte muaj ose sipas nevojës së fëmijës)
– Grupi mbështetës i prindërve (një herë në javë)
– Fizioterapi (përditë në bazë të kërkesës së prindërve dhe nevojës së fëmijës)
– Këshillim (përditë në bazë të kërkesës së prindërve dhe nevojës së fëmijës)
– Trajnime (minimalisht një herë në vit)
– Aktivitete sociale (me qëllim sensibilizimi)
