“Team Pique” apo “Team Shakira”, edhe personazhet e njohur botëror janë përfshirë në historinë e ish-çiftit.
Georgina Rodriguez ndryshe nga shumica e personazheve që kanë dalë në mbrojtje të Shakirës pas tradhtisë së Pique-s, ajo ka bërë të kundërtën.
Mendonim se Georgina si grua do mbante anën e Shakirës pas ndarjes së këngëtares nga ish-futbollisti, por në mediat spanjolle po “zien” lajmi se Georgina i ka dalë në krah Pique-s. Shkak i këtyre lajmeve është bërë postimi i saj i fundit. Në të modelja shihet duke mbajtur një orë “Casio”.
Kjo markë ore u fol nga të gjithë kur Shakira publikoi këngën, në të cilën ajo sulmoi ish-in e saj Gerard Pique. Në këngë kishte një rresht në të cilin këngëtarja thumbonte të dashurën e re të Pique-s, Clara Chia-n duke u shprehur “ndërrove një “Rolex” për një “Casio”.
Tani, shumë nga ndjekësit e Georgina Rodriguez besojnë se vendimi i saj për të pozuar me një orë “Casio” nuk është rastësi. Ata mendojnë se kjo është mënyra e saj për t’i treguar botës se ajo në këtë histori mban anën e Pique-s.
View this post on Instagram
Duke qenë se “Casio” që mban Georgina Rodriguez besohet se kushton vetëm 26 euro, duket që e ka vendosur për një arsye, marrë parasysh bizhuteritë miliona dollarshe që ajo përdor.
