Lajmet e fundit në në mediat turke i trishtuan fansat e Neslihan Atagül. Kjo e fundit, e cila ka humbur shumë peshë kohët e fundit, u dërgua me urgjencë në spital javën e kaluar.
Ndërsa fansat prisnin ditën kur ajo do të kthehej në sheshxhirim, Neslihan i dha lamtumirën serialit televiziv ku po luante aktualisht, duke shpjeguar se nuk mund të vijojë më tej për shkak të sëmundjes së saj.
Aktores 28-vjeçare iu desh të hiqte dorë nga drama ku ajo po merrte pjesë duke thënë për fansat se: “Trupi im nuk është tolerant, kam nevojë për pak pushim.” Mediat turke raportojnë se gjendja e saj është aq serioze saqë ekziston edhe rreziku i vdekjes. Dy foto që tregojnë gjendjen e saj shëndetësore së fundmi, janë publikuar në mediat sociale.
Aktorja vuan nga koliti spastik dhe doktorët turq paralajmërojnë se gjendja e Neslihan është shumë serioze dhe se duhet të bëjë shumë kujdes me ushqimin, duke përjashtuar ato që përmbajnë gluten. Stresi, lëndët ushqyese jo natyrale, pesticidet dhe ilaçe të ndryshme, kryesisht për dhimbjen e kokës, janë të dëmshme për shëndetin e saj.
Teksa ndau me fansat lajmin e shkëptjes nga seriali, ajo shkori:
Përshëndetje të gjithëve. Unë i them lamtumirë Nares, të cilën unë e ndjeva deri në qelizat e mia ndërsa luaja. Edhe pse e tolerova problemin që kisha prej kohësh, trupi im nuk tregoi atë tolerancë ndaj meje. Kam nevojë për pak pushim. Përshëndes ekipin tim të Vajzës së Ambasadorit! Faleminderit djema. Faleminderit audiencës sonë. Ju gjithmonë na keni mbështetur. Shihemi në histori të tjera sa më shpejt të jetë e mundur … “, shkroi ajo.
Kujtojmë se vendin e saj në serial do e zejë Tuba Buyukustun, e cila do luaj krah Engin Akyürek. Dyshja ka luajtur edhe më herët krah njëri-tjetrit në serialin “Diamante dhe dashuri”.
