Granit Xhaka dhe bashkëshortja e tij, Leonita, zbuluan ditën e djeshme se shumë shpejt do të bëhen prindër për herë të dytë. Futbollisti postoi në Instagram një foto shumë të ëmbël familjare, në të cilën shihej përkrah bashkëshortes dhe vogëlushes së tyre, që shumë shpejt do të marrë rolin e motrës së madhe. Leonitës i dallohet qartë barku i rrumbullakosur dhe për gjithë këto muaj ata kanë arritur ta mbajnë të fshehtë në mënyrën më të mirë shtatzëninë e saj të dytë.
“Familja jonë e vogël po rritet… Mezi po presim të të njohim”, shkroi Graniti përkrah fotos.
View this post on Instagram
Menjëherë pas postimit futbollisti mori mijëra mesazhe urimi nga miq e fansa të tij. Graniti nuk preferoi ta zbulonte gjininë e fëmijës e me siguri do ta mbajnë të fshehtë derisa të vijë në jetë. Ndërkohë sot, një ditë pasi dhanë këtë lajm kaq të bukur, Graniti dhe Loenita festojnë një përvjetor të rëndësishëm.
Ata bëjnë 6 vite që janë lidhur bashkë dhe këtë gjë e ka zbuluar vetë Leonita. Ajo ka postuar në Instagram 6 foto të duarve të tyre me unaza, që janë realizuar në vite të ndryshme.
“Sot 6 vite plot dashuri”, ka shkruar ajo, duke përmendur në postim edhe Granitin.
Kujtojmë se Graniti dhe Leonita u fejuan në prill të 2015-s. Në korrik të 2017-s, ata kurorëzuan fejesën 2-vjeçare në martesë.
