Deputetja e Partisë Socialiste, Blerina Gjylameti, pasi i është nënshtruar testit të Covid-19 ka rezultuar pozitive. Gjylameti është shprehur për “abcnews.al” se ka simptoma të lehta dhe se është karantinuar.
Deputetja është izoluar në shtëpinë e saj, ku po merr edhe trajtimin mjekësor. Kjo duhet të jetë një periudhë e vështirë për deputeten, sepse ndërkohë ajo është edhe në pritje të ëmbël për herë të dytë.
Pak javë më parë u bë i ditur lajmi rreth shtatzënisë së saj, sepse Gjylameti ishte kujdesur që ta mbante të fshehtë. Deputetja pritet të sjellë në jetë fëmijën e dytë brenda pak kohësh, ndërkohë që është nënë edhe e një djali 11-vjeçar.
