Që në fillim të sezonit të ri televiziv u mësua se, “TV Klan”-it do t’i shtohej një tjetër emision kushtuar gatimit.
Programi i ri televiziv që do të tërheqë vëmendjen e teleshikuesve quhet “Sfida e Gatimit”.
Ai do të moderohet nga dy shefat e njohur të kuzhinës, Alfio Rrotani dhe Indrit Cela, të cilët u bënë pjesë e këtij televizioni prej fundit të sezonit të kaluar.
Pavarësisht se ende nuk ka një datë për nisjen e këtij programi, Alfio bëri të ditur sot se ka përfunduar në 90% përgatitja e studios, ku do të realizohet emisioni.
“Sfida e gatimit. 90% gati”, shkruan Alfio në foton e publikuar nga studio, ku qëndron krah kolegut.
Kjo do të thotë që programi do të nisë shumë shpejt dhe ne jemi në pritje për të zbuluar surprizat.
