Aktorja e njohur turke, Hande Erçel prej disa vitesh është në një lidhje me këngëtarin Murat Dalkiliç.
Lidhja e tyre ka patur ulje-ngritje dhe çifti shpeshherë janë përfolur për ndarje, megjithatë gjithmonë i kanë kaluar krizat në çift dhe janë ribashkuar.
Rreth dy muaj më parë u raportua se Hande dhe Murat kanë vendosur të lidhin kurorë dhe mediat turke kanë zbuluar edhe datën e martesës. Sipas mediave turke Hande dhe Murat do të martoheshin në javën e dytë të korrikut.
Aso kohe mediat shkruanin se çifti mezi po pret të kurorëzohet dhe po numëron ditët dhe se dasma do të mbahet në Stamboll e Hande ka kërkuar që ceremonia të jetë sa më e thjeshtë.
Mirëpo, gjërat nuk kanë shkruar si duhet dhe si duket jo vetëm që dasma s’do bëhet por ata janë ndarë sërish.
Ka qenë Hande ajo që ka konfirmuar zërat me anë të një Instastory, ku shkruan se ndarja ka qenë në mënyrë miqësore dhe kërkon ta respektojnë këtë vendim.
Aktoria nuk jep arsye pse ka ndodhur kjo, por shprehet se Murati është një njeri i çmuar e i dashur për të.
Kujtojmë që Hande Erçel u bë shumë e njohur në Shqipëri me rolin e “Hajat” në serialin “Dashuria nuk njeh fjalë”. Aktualisht ajo është fokusuar në xhirimet e serialit të ri “Sen Çal Kapimi” i cili ka patur shumë sukses në Turqi.
https://www.instagram.com/p/CCaZnxPAcNt/?utm_source=ig_web_copy_link
https://www.instagram.com/p/CASTAgjg56M/?utm_source=ig_web_copy_link
