Këngëtari Blero Muharremi dhe modelja Afrona Dika prej vitesh kanë qenë në një marrëdhënie të konsoliduar, e cila pritej që shumë shpejt të kurorëzohej me martesë. Ata janë një ndër çiftet të cilët nuk kanë nguruar që në çdo moment të shprehin publikisht dashurinë e madhe që ndjejnë ndaj njëri-tjetrit.
Mirëpo në të njëjtën kohë janë një ndër çiftet më të përfolur për ndarje dhe ribashkime. Që prej zyrtarizmit të lidhjes së tyre në vitin 2006, jo të pakta kanë qenë rastet kur ata kanë qenë në qendër të vëmendjes mediatike për krizat mes tyre.
Mirëpo duket se e njëjta gjë ka ndodhur edhe kësaj radhe. Blero dhe Afrona nuk e ndjekin më njëri-tjetrin në rrjetet sociale. Jo vetëm kaq, por Afrona i ka fshirë të gjitha postimet me Bleron nga profili i saj në Instagram.
Nuk dihet ende nëse kjo është një ndarje përfundimtare, apo thjesht një krizë e momentit.
