Normat e divorcit arritën kulmin gjatë viteve 1970-1980 dhe megjithëse vitet e fundit janë në rënie shancet për një divorc ekzistojnë gjithmonë.
Në cilëndo kulturë të jetosh, je apo nuk je i/e martuar është e sigurtë që mundësitë dhe pasojat e divorcit i njeh. Më të njohura janë acarimet dhe drama që një divorc shkakton tek një person apo familje, për shkak të shkatërrimit të gjendjes morale apo edhe asaj ekonomike.
Ndaj nëse po mendoni t’i jepni fund martesës suaj të dështuar është mirë të bëni në heshtje disa veprime që do t’ju rrezikojnë të humbisni sa më pak nga divorci.
Si duhet të mbroni veten? Kush duhet të tregoheni? Avokati që duhet të zgjidhni etj.
“Glamour” ka marrë disa udhëzime nga ekspertët në biznesin e divorceve, si në frontin e shëndetit emocional, ashtu edhe në atë financiar dhe ja çfarë duhet bërë para hapit të madh:
1.Filloni t’i kushtoni vëmendje më të madhe parave tuaja
Shpesh, kur dikush i afrohet avokatit të shkurorëzimit për divorc, gjëja e parë që do t’ju thotë është të shikoni të ardhurat tuaja.
Filloni t’i kushtoni vëmendje deklaratave bankare, dokumentimit të numrave të llogarive dhe shikimit të taksave dhe mos nënshkruani asgjë pa e lexuar së pari.
2.Mos i ndaloni domosdoshmërisht shpenzimet
Kjo këshillë mund të ndryshojë në varësi të rrethanave financiare dhe vetë çiftit, por nëse jeni dikush që shpreson të marrë mbështetjen e bashkëshortit/es për të mbajtur jetesën tuaj, është diçka për t’u marrë parasysh.
Nëse gjatë martesës suaj keni dalë shpesh për darkë, keni bërë pushime apo keni jetuar me një nivel të mirë jetese, nuk do të thotë se kjo nuk mund të ndodhë pas martese.Pra filloni të jetoni stilin tuaj të jetesës.
3.Hapni karta krediti në emrin tuaj
Shumë njerëz në përgjithësi nuk kanë karta krediti në emrat e tyre dhe kjo për shkak se ata i ndajnë llogaritë bankare me bashkëshortin/en e tyre.
Ata kanë një kartë të përbashkët, por karta mund të mos i përkasë atyre, gjë që mund të bëhet e ndërlikuar në varësi të rrethanave.
4.Filloni të shkruani gjithçka
Nëse nuk jeni rrëfyer për vite tani mund të jetë koha ta bëni përsëri. Shkruani gjithçka, ku keni qënë, kur keni qënë apo çfarëdo që ka të bëjë me të përditshmen tuaj.
5.Këshillohuni me një këshillues martese
Pyetja e parë me të cilën do të përballeni do të jetë: “A je i/e sigurt që do të divorcohesh”? Një këshillues mund t’ju ndihmojë të reflektoni për atë që vërtet dëshironi.
6.Vendosni të tregoni një histori në rrethin shoqëror
Shpresojmë që ju dhe partneri/a juaj të keni një marrëveshje për mënyrën se si doni ta tregoni lajmin tek të tjerët. Por kur bëhet fjalë për çështjet sociale është e rëndësishme të vendosni dhe sa informacion doni të jepni tek të tjerët.
7.Reflektoni mbi atë që dëshironi të shihet
Duhet të arrini të mbani nën kontroll emocionet tuaja dhe të perceptoni se si do të shihet dhe kuptohet nga të tjerët vendimi juaj.
Filloni të mendoni si do të duket jeta juaj pas ndarjes, kur parteri/a të mos jetë më aty, në shtëpi me ju apo përreth jush.
