Me siguri të gjithë e keni parë telenovelën e famshme latine “Kujdes nga ëngjëlli”, në të cilën William Levy ishte në rolin kryesor si Juan Miguel. Kjo telenovelë theu rekorde shikueshmërie në vendin tonë dhe William u kthye në një ndër aktorët e preferuar të shqiptarëve.
Prej vitesh, ai është cilësuar si një ndër figurat më të pëlqyera nga femrat dhe është vlerësuar si një ndër meshkujt më simpatikë.
Mirëpo, u bë kohë që William-in nuk e shohim më në role të reja. Për një periudhë thuajse 3-vjeçare ai nuk ka nisur asnjë projekt të ri duke i munguar ekranit.
Mediat e huaja raportojnë se William tashmë është një gjendje të vështirë financiare dhe është zhytur në borxhe.
Aktori është detyruar të shesë vilën e tij në Florida dhe super makinat luksoze. Gjithashtu, ai ka një shumë prej 2 milionë dollarësh të papaguara që prej vitit 2017 dhe restoranti të cilin kishte premtuar se do ta hapte, vazhdon të jetë i mbyllur.
Megjithatë, as William dhe as bashkëshortja e tij, Elizabeth Gutierrez, nuk kanë reaguar në lidhje me këto lajme.
