Elvana Gjata është rritur në një familje të zakonshme, e cila banonte në një pallat të kohës së Enver Hoxhës. Në të njëjtin pallat me tulla, që mban numrin 3, sot vazhdojnë të jetojnë prindërit e saj.
Si rrallë herë, këngëtarja vendosi që në dokumentarin e saj kushtuar jetës artistike dhe personale, Elvana na kthen pas në vendin ku lindën ëndrrat e një vajze të vogël, e cila dikur nuk mund ta imagjinonte se sot do të ishte një nga yjet e muzikës shqiptare.
Në këtë pallat të vjetër, u krijuan dhe ruhen shumë nga kujtimet e saj, të voglës Elvanë, e cila si audiencë dikur kishte pasqyrën, vetveten dhe si mikrofon, objektet që gjendeshin nëpër shtëpi.
“Kuptova se më i rëndësishëm se ndriçimi i një ylli atje lart, është drita e shpirtit brenda meje. Ëndrrat e mia udhëhiqen nga shpirti im dhe shpirti im rëndon këtu”, thotë në klipin, ku na kthen pas në fëmijërinë e saj.
Në videon e dytë, Elvana tregon një takim të shkurtër me të ëmën, e cila i gatuan drekën me ushqimet e saj të preferuara.
Një moment i ëmbël nënë e bijë e shoqëruar me fjalët e sinqerta, që të dalin nga zemra për dashurinë e parë.
Burimi: Iconstyle.al
