Sërish është kthyer në vëmendje Bruno Shemsho. Ndarja e tij me Anën u komentua gjatë, ku madje ata të dy nuk i kursenin as thumbat për njëri-tjetrin.
Mirëpo, Bruno vijon të jetë aktiv në rrjete sociale, ku së fundmi i është përgjigjur pyetjeve të ndjekësve, përmes një bisede virtuale.
“Ndonjë të re nga jeta sentimentale?”– ishte pyetja e një ndjekësi për Brunon.
Mirëpo, ish-konkurrenti i Për’Puthen ka futur në dyshime të gjithë ndjekësit me përgjigjen që ka dhënë: “Edhe sikur të kem, nuk do i ndaja këtu momentalisht”.
Më herët, ai ka dhënë një intervistë për “News 24”, ku zbuloi detaje nga prishja e marrëdhënies me Anën.
“Ka të bëjë edhe fakti që shpesh nëse futesha nëpër komente njerëzit thonin që do ndahen. Kjo më ka bërë çudi në çdo show. Mu më vjen keq të hedh poshtë çdo të mirë që kam kaluar me njerëzit prandaj nuk kam folur. Nuk kam tradhtuar! Por mbaroi për shumë arsye, ndoshta për shkak të famës. Unë jam tip që i vë re shumë detajet, jam i sëmurë. Pashë 2-3 intervista të fundit që ajo dha dhe nuk u ndjeva fare mirë. Në një intervistë të saj më erdhi shumë rëndë, më peshoi shumë. Të folurën për muhabete ‘shtrati’, gjëra që mund të duken ‘old fashion’ por për mua çfarë ndodh në një dhomë me 4 mure ngelet aty. Çfarë ndodh në lidhje me të shkuarën ti zgjedh ta ndash. Pse duhet të bëj si gjynah, “kam qenë në emigrim kam vuajtur”, edhe unë kam qenë në emigrim. Këto detaje nuk më kanë pëlqyer. Kam hedhur një postim ironik me limonin që është më i ëmbël se luleshtrydhja, dhe hëngra bllok. Më mirë kështu, i parandalon gjërat në këtë pikë, para se të bëhen më keq më vonë. Zgjati diku te dy muaj e pak”- tha Bruno.
