I shpallur dy herë kampion i botës në Formula 1, Fernando Alonso, ka reaguar ndaj thashethemeve se ai është në një lidhje me Taylor Swift.
Si përgjigje ai ka postuar një video në TikTok ku shkel syrin teksa në sfond është kënga e Taylor “Karma”. Lajmi se dyshja janë duke u takuar me njëri-tjetrin doli nga faqja e Instagrami-t DeuxMoi.
@fernandoalonso Race week era😉 #F1 #F1TikTok #Formula1 ♬ karma sped up – ✨️j <3 ✨️
“Sipas tyre, çifti po takohen prej një jave. Asgjë serioze pasi që të dy sapo janë ndarë”, thuhej në shkrim.
Swift bëri bujë të madhe kur njoftoi ndarjen nga i dashuri afatgjatë, Joe Alwyn, në fillim të këtij muaji, afërsisht në të njëjtën kohë që Alonso zbuloi se ishte ndarë me të dashurën Andrea Schlager.
33-vjeçarja dhe Alwyn ishin bashkë për gjashtë vjet pasi thuhet se u takuan në “Met Gala” në vitin 2016 dhe lidhja e tyre u shënua nga shumë thashetheme se ata u fejuan apo edhe u martuan fshehurazi.
Alonso dhe komentatorja sportive Schlager gjithashtu e mbajtën romancën e tyre larg syrit të publikut sa më shumë që të ishte e mundur pasi bënë me dije se u takuan përmes Formula 1.
