Prej ditësh në rrjet po përflitet për një lidhje të mundeshme me “Miss Universe Albania 2018”, Trejsi Sejdini dhe reperit Don Xhon.
Shkak janë bërë disa foto të publikuara nga “Telegrafi.com” ku dyshja shihet duke darkuar në shoqërinë e njëri-tjetrit.
Ata duken mjaft të afërt, teksa deri më tani nuk kemi qenë në dijeni të ndonjë miqësie mes tyre.
Asnjëri prej tyre nuk ka reaguar rreth këtyre fotove, teksa Trejsi prej disa ditësh ndodhet në Prishtinë.
Megjithatë, modelja i ka hedhur benzinë zjarrit me videon e fundit, ku shfaqet duke dëgjuar këngën e Donit.
Ajo ka realizuar një video selfie ku si gjithnjë duket shumë bukur, teksa në sfond dëgjohet kënga e reperit.
Si qëndron e vërteta? Mbetet për tu parë.
Don Xhoni mori famë pas këtij ‘freestyle’ të realizuar në emisionin e Meriton Mjekiqit.
Pas asaj puntate ai u bë tepër i njohur, teksa ka publikuar “Tjera llafe” dhe bashkëpunimin me Encën dhe të dyja bënë namin, teksa një muaj më parë solli “Alles gute criminale”.
Trejsi Sejdini është një ndër modelet më të komentuara shqiptare. Shpesh ajo është bërë pjesë e skandaleve në vendin tonë dhe sigurisht që nuk ka munguar as vëmendja mediatike.
E lodhur nga skandalet dhe vëmendja e madhe mediatike, Trejsi vendosi të largohej disa muaj më parë drejt Shteteve të Bashkuara, por prej kohësh ndodhet në Shqipëri teksa nuk mungojnë udhëtimet e shpeshta në Kosovë.
Ajo vazhdon të merret me modeling dhe në llogarinë e saj në Instagram nuk mungojnë fotot e shumta profesionale.
