Elton Deda ka ironizuar vendimin e qeverisë për mbylljen e klubeve të natës gjatë periudhës së pandemisë, për të frenuar përhapjen e koronavirusit.
Një një postim në profilin e tij në Facebook, kantautori shprehet se tashmë muzikantët duhet t’i bëjnë koncertet e tyre nga ora 8 e mëngjesit deri në orën 10 dhe në këtë mënyrë shijohet edhe kafja e mëngjesit.
“Kevin Kaceli sapo më dha nje mendim te vyer. Ne muzikantet, ti bejme Live-t tona nga ora 8 e mëngjesit deri ne 10. Në këtë mënyrë shijohet kafja e mëngjesit përsëmbari. Faleminderit të gjithëve që do na mbështesni në këto orare”, ka shkruar Elton Deda.
Reagimi i tij vjen pak orë pasi ministrja e Shëndetësisë, Ogerta Manastirliu bëri me dije vendimin për gjobitjen e pronarëve të lokaleve të natës apo diskove, në rast qëndrimi hapur.
Qeveria ka vendosur se gjobitjen me 3 milionë lekë të rinj, ndërsa ata që do të mbajnë muzikë të hapur pas orës 20:00 do të gjobiten me 1 milion lekë të rinj.
Pak më parë, edhe këngëtarja e njohur Xhesika Polo ka reaguar kundër vendimit të qeverisë për mbylljen e klubeve të natës dhe kufizimeve për muzikën pas orës 20:00.
