Në mes të zërave që flasin se i ka bërë diss Mozzik në freestyle e tij, dhe kunjave të vazhdueshme Capital T vijon me statuset e dyshimta në rrjetet sociale.
Së fundmi në një Instastory ai ka shkruar: “Shumë zhurmë për asgjë”.
Nuk dihet se kujt i drejtohet ky status por fansat po mendojnë njëzëri: Mozzik (pikëpyetje)
Ky i fundit dy ditë më parë solli bashkëpunimin e radhës me të vëllain Getinjo që po bën namin në rrjet. Projekti përmbledh dy këngë në një dhe titullohet “El Chapo”.
Deri më tani projekti numëron mbi 2 milionë klikime dhe pritet të na shoqëroj edhe në muajit në vijim si një hit.
E gjitha filloi në Gjoni Black, ku fraza e Capital T “Ma reper se ti është Lori” u mor si diss ndaj çiftit.
Më pas “konflikti” u zhvendos në rrjetet sociale, ku Loredana hoqi Capital T nga lista e personave që ndiqte kurse ky i fundit dhe Mozzik postuar një sërë statusesh që u dukën si kundërpërgjigje për njëri-tjetrin.
Një ditë pasi lajmet morën dhenë Mozzik do shkruante:
Quhet respekt ajo që u mungon shumë njerëzve. Quhet punë ajo që me atë arrin gjithçka. Quhet para ajo që lakoj botën e njeriut. Urrejtja dhe dashuria. Pasunia dhe varfnia. Merita dhe Fati. Heshtja dhe zhurma. Mendja të qon shumë larg…por duhet edhe këmbët.
E vetëm disa minuta më pas Capital T ka publikuar një status ku shkruan:
Burrnia nuk blehet me kurrgjo, e ju s’e keni.
Më pas ai ringjalli debatin me këtë status:
“Kqyrin me t’prek, tani kur t’i prekësh… preken.”- duke lënë të kuptohet se hatërmbetja e tij ka nisur nga një veprim i Mozzik.
“iconstyle.al” kontaktoi Capital T, i cili zgjodhi mos të na japë përgjigje rreth pyetjes “A është “diss” për Mozzik?”
Ai tha se çfarë ka patur për të thënë e ka thënë në emision, as duke i mohuar e as duke i pohuar zërat.
