Duket se aktori hollivudian Brad Pitt nuk do t’i kalojë Krishtlindjet vetëm këtë vit.
Ka mundësi që ai të jetë në shoqërinë e tre fëmijëve të tij, vajzës Shiloh dhe binjakëve Knox dhe Vivienne.
Një burim dha detajet për “Us Weekly” duke thënë se aktori do e kalojë këtë ditë të veçantë me tre fëmijët e tij.
“Ata mund ta kalojnë natën me të në prag të Krishtlindjes,” tha burimi.
Më parë, Pitt dhe ish-gruaja e tij Angelina Jolie kishin diskutuar për të festuar pushimet së bashku si një familje në fillim të këtij viti, por planet duket se kanë ndryshuar që atëherë.
Të dy aktualisht janë të përfshirë në “një betejë” mbi kujdestarinë për fëmijët e tyre.
“Brad dhe Angelina janë njësoj përgjegjës për dramën pa mbarim,” shton burimi. “Fëmijët e tyre po kalojnë një periudhë tejet të vështirë.”
Jolie duket se ka patur disa vështirësi pasi pandemia e Covid-19 e ka privuar nga shumë aktivitete në mbarë globin.
“Ajo ka dashur të bëjë punë humanitare përtej Shteteve të Bashkuara por ka nevojë për leje nga Brad për të marrë fëmijët me vete,” tha burimi.
Kujtojmë se Brad Pitt dhe modelja, Nicole Poturalski i dhanë fund lidhjes së tyre në tetor, vetëm pak muaj pasi e kishin bërë publike. Sipas burimeve të “Page Six” marrëdhënia mes dyshes nuk ka qenë shumë serioze dhe është mësuar se ndarja ka ndodhur pak kohë më parë.
Pitt duket se e ka harruar shpejt marrëdhënien që ka pasur me Poturalskin, sepse e ka ditur që në fillim se gjërat mes tyre nuk do të përfundonin mirë. Brad dhe Nicole u konfirmuan si të lidhur që në muajin gusht, kur aktori 56-vjeçar u pa me modelen 27-vjeçare në vilën e tij në Francë, të cilën Pitt e ndan me ish-bashkëshorten, Angelina Jolie.
