Më 6 korrik, në Shën Pjetërburg u mbajt ceremonia e shumëpritur e ndarjes së çmimeve World Luxury SPA Awards në një mbrëmje gala të mbajtur në “The State Hermitage Museum Official Hotel”.
Në një event mbresëlënës, me 200 të ftuar nga e gjithë bota që përfaqësonin 90 shtete dhe 450 qendra SPA-je nga më luksozet në botë, spikati dhe emri i një prej qendrave SPA më të njohura në Shqipëri: tempulli i relaksit i quajtur “Bamboo Spa & Hammam”!
Ka qenë drejtoresha e grupit “Bamboo” në Tiranë, znj. Emona Begolli e cila ka tërhequr çmimin “Luxury Hammam Experience” në mbrëmjen gala të mbajtur në Rusi.
Kjo është dhe hera e parë që një SPA shqiptare vlerësohet me një çmim të tillë prestigjioz për të cilin ka konkurrencë ndërkombëtare dhe ndonëse nuk është qendra e parë e estetikës që sjell shërbimin Hammam në Shqipëri, është padyshim e para që e ka zhvilluar në një standart të tillë superior.
“Janë të shumtë faktorët që ndikojnë fitoren: brandi, vendndodhja dhe kënaqësia e shprehur e klientëve. Këtë vit, fokusi ishte tek dizajni unik dhe elegant” – tha ndër të tjera, Michelle Creus, Manaxhere e Brandit dhe Eventeve të World Luxury Awards.
“Ne urojmë fituesit e 2019-ës sepse luksi i vërtetë nuk arrihet thjeshtë. Nevojitet një staf i dedikuar dhe shumë eficient, staf që është i gatshëm të bëjë gjithçka për të bërë klientin të ndihet i përkëdhelur e asnjë dëshirë të mos mbesë e parealizuar. Ky është përcaktimi i luksit! Kjo është ajo çka i bën fituesit e këtij viti të vezullojnë!” – u shpreh drejtori marketingut i World Luxury Awards Group, Michael Hunter-Smith.
“Bamboo Spa & Hammmam” është themeluar në 1 shtator 2016 dhe stafi i saj ka sjellë për herë të parë në Shqipëri eksperiencën Hammam. Prej 3 vitesh Bamboo Spa & Hammam ofron hammam, masazh, trajtime fytyre e trupi, manikyr, pedikyr dhe shërbime të tjera estetike.
Prej vitesh tashmë, grupi Bamboo Spa ofron një gamë të gjerë të shërbimeve edhe në 4 sallone “Bamboo Nail & Lounge” në Tiranë (në Kompleksin “Delijorgji”, në Rrugën “Pjeter Budi”, pranë qendrës “Kristal” dhe “Ring”). Së fundmi, “Bamboo Spa & Hammam” ofron ekselencën e shërbimeve të saj edhe në rivierën shqipare, në Nazar Beach, Palasë dhe Drymades Inn, Drymades.
Për më shumë informacion, shkoni në rrjetet sociale bamboo_spa_hammam dhe bamboonailbars ose në website-in: www.bamboospahammam.com
