Bullizmi dhe krimet e publikuara në rrjete sociale nga rinia shqiptare po shqetësojnë gjithmonë e më shumë vendin tonë dhe po japin një shembull të keq për të rinjtë e tjerë që i ndjekin dhe marrin shembullin e tyre.
Kozak Braçi, i njohur ndryshe si “mbreti i Instagramit” vuri në alarm të gjitha autoritetet shqiptare pasi u rrëmbye nga katër të rinj. Ishin familjarët e Braçit ata që lajmëruan policinë se të riun e kishin rrëmbyer për tu hakmarrë, pasi kishte ofenduar dhe kërcënuar të dënuarin me burg përjetë në Greqi, Fabio Dushku.
“Më kanë ardhur 20 veta, më kanë ruajtur dhe më pritën këtu poshtë sa dola nga shtëpia. Mora taksi sepse do ikja në studio. Sa hipa në taksi, në vendin e pasëm të saj. Përpara makinës me del një makinë tip Benz ML. Tentuam të iknim dhe na dolën dhe dy makina të tjera e na përplasën. Taksisti ndaloi, dyert ishin të mbyllura. Ata shqyen dyert dhe më nxorrën prej aty. Ishin 20 veta me armë në dorë. Me qëlluan në taksi dhe më futen me zor në makinën e tyre. Më futen në një Golf5 të zi. Më vunë pistoletën në trup dhe thikën në fyt. Fillimisht me futën shtrirë në makinë. Unë i binda me fjalë ata dhe më lanë pastaj të lirë.
I binda me fjalë se jam psikolog, edhe pistoletën ta kem në gojë m’u s’me vrasin se i bind me fjalë mos me m’vra. Më lanë atje në pyll dhe kam ardh me atë Danielin, vëllain e Fabios dhe një djalë tjetër poshtë, se ata tjerët nuk erdhën. Poshtë erdhe me Danielin edhe më tha madje a do lekë, a të të japim naj gjë se u trembën edhe ata…. M’u s’më kanë bo asgjë r*** e motra, m’u veç më kanë marrë me armë. Se me armë të marrin o bisha…”- ka treguar ai.
Mirëpo, autori i rrëmbimit i shpallur në kërkim nga Policia, Daniel Dushku, ka rrëfyer versionin e tij të rrëmbimit në një video ku i bën thirrje Kozakut se di ku ta gjejë për çdo çështje të pasqaruar.
Danieli ka hedhur poshtë deklaratat e Kozakut dhe ka thënë se kanë qenë vetëm katër persona. Ai ka treguar se e kanë futur me forcë në makinë dhe e kanë goditur. Më pas Kozaku ka kërkuar falje dhe ata e kanë lënë të lirë.
