Moderatorja Jona Spahiu dhe partneri i saj Frenkli Ymeri në muajin qershor kurorëzuan me martesë lidhjen e tyre të dashurisë. Një dasmë që moderatorja u mundua ta mbante sekrete deri në momentet e fundit. Madje edhe pas ceremonisë fotot e publikuar në rrjetet sociale ishin të pakta.
Mirëpo tashmë që kanë kaluar disa muaj nga ceremonia e dasmës dhe është duke shijuar javët e fundit të pritjes së ëmbël Jona është bërë nostalgjike për momente që ka përjetuar gjatë dasmës së saj.
Ndërkohë që numërimi mbrapsht për të pritur pjestarin më të ri në familje ka nisur, moderatorja ka vendosur të publikojë në profilin e saj në Instagram disa foto të rralla nga ceremonia e saj e dasmës.
“Nuk ka nevojë për ditë speciale për të kujtuar emocione speciale. E bekuara!”, shkruan Jona krahas fotove të saj të dasmës.
Nëpërmjet këtyre imazheve Jona ka vendosur të na tregojë momentet më të bukura nga dasma e saj. Momente magjike duke filluar që nga përqafimi me prindërit, kërcimi, shoqëria e deri tek puthja me partnerin.
