Nëna e Kobe Bryant, Pamela është fotografuar për herë të parë që kur humbi djalin e saj, 41 vjeç dhe mbesën e saj 13-vjeçare Gigi në një aksident me helikopter.
Daily Mail shkruan se 65-vjeçarja nuk kishte dalë nga shtëpia e saj në Las Vegas që nga tragjedia që tronditi botën e sportit të dielën e kaluar.
Ajo u pa e veshur me të zeza duke dalë nga një market aty pranë, me siguri për të marrë diçka për familjen që po e vuan shumë këtë tragjedi.
Babai i Kobe, 65-vjeçari Joe, u pa gjithashtu jashtë shtëpisë së çiftit të hënën pasi një buqetë gjigande me lule të verdha u dërgua në banesë.
Në fillim të kësaj jave Daily Mail raportoi jeta e prindërve të basketbollistit është kthyer përmbys nga vdekja e djalit dhe mbesës së tyre.
Një fqinj tha se ata janë shumë afër me vajzat e tyre Sharia dhe Shaya që jetojnë në Las Vegas dhe familja është mbledhur së bashku.
Kobe pati një marrëdhënie disi jo të mirë me prindërit e tij. E para sepse ata nuk e miratonin marrëdhënien e tij me partneren Vanessa, para se të martoheshin.
Dhe e dyta, sepse ata u përpoqën të nxjerrin në ankand dy unaza kampionati të Lakers nga viti 2000 pa pëlqimin e tij.
Ylli i NBA ngriti padi kundër shtëpisë së ankandit, por më vonë vendosi t’i lejonte prindërit të nxirrnin sendet e tij me vlerë në ankand, që arrinin 500,000 dollarë.
/Daily Mail
