Një foto e Mbretëreshës Elizabeth për Krishtlindje, është kritikuar tej mase, për vetë faktin që në të mungon Harry dhe Meghan.
Mbretëresha shihet e ulur pranë një tryeze ku shfaqen fotot e Princit Charles dhe William me familjen, por Harry, Meghan dhe vogëlushi Archie mungojnë.
Shumë e kanë interpretuar këtë foto si një mesazh që marrëdhënia mes familjes mbretërore dhe Harry-t nuk është në termat e duhur.
Kjo pasi siç mund ta dini tashmë, Meghan dhe Harry po devijojnë shumë nga traditat e festave mbretërore këtë vit.
Ata nuk do t’i kalojnë Krishtlindjet me Princin William, Kate Middleton dhe pjesën tjetër të familjes mbretërore, por do t’i kalojnë pushimet me nënën e Meghan.
Por të tjerë e kanë interpretuar si një mesazh për vijimësinë e linjës mbretërore. Pas Mbretëreshës, në radhë për fronin është Princi Charles dhe më pas William.
