Nata finale e “Big Brother VIP” ka nisur me emocione të forta që në fillim të spektaklit.
Arbana Osmani teksa rrëfen eksperiencën e saj të veçantë si moderatore e formatit, ka dhënë gjithashtu edhe lajmin e bukur që është shtatzënë për herë të tretë.
Ajo tha se ky rrugëtim për të ka qenë një nga më emocionueset gjatë të gjithë përvojës së saj, ndërkohë që gjithashtu pas saj ka punuar një staf i tërë prej më shumë se 200 vetash të cilët janë kujdesur për të përçuar sa më shumë ndjesi të bukura te shikuesit dhe tek vetë banorët. Dhe pikërisht gjatë këtij rrugëtimi e ka shoqëruar një pritje e ëmbël.
Nuk kanë munguar duartrokitjet dhe urimet nga banorët e publiku, të cilët u lumturuan nga ky lajm i bukur nga moderatorja.
Rikujtojmë se dyshimet për shtatzëninë e saj kanë nisur kur Arbana ka ndarë disa kohë më parë një video në llogarinë e saj të “Instagram” ku shfaqet Joni teksa luan me kukullat beba gjatë kohës që kanë qenë me pushime. Megjithatë, ajo çfarë ka tërhequr më shumë vëmendjen ka qenë pikëisht fraza që Arbana ka shkruar mbi foton e publikuar.
“Jemi gati për një motër!”- ka shkruar ajo teksa ka etiketuar edhe Eduartin.
