Sot bëhen dy vite nga dita kur ish-Miss Shqipëria Suada Sherifi u bë nënë për herë të parë.
Në këtë dy vjetor Suada ka vendosur që t’i bëjë një dedikim special të bijës, të cilin e ka ndarë edhe me ndjekësit e saj në rrjetet sociale.
Një urim aspak i zakonshëm ky që bukuroshja ka zgjedhur për Deizin e vogël. Ajo e ka krahasuar vogëlushen e saj me zotat dhe fuqinë e tyre të mbinatyrshme, e cila e bën atë të ndihet si një perëndeshë.
“Kur isha fëmijë lexoja mitologjinë greke dhe besoja vërtetë se në majën e Olimpit ekzistonin 12 zota me dhunti të ndryshme. Një zot e di sa shumë ëndërroja të bëhesha edhe unë perëndeshë!( Ti më bën të ndihem e tillë sa herë më thërret mami, plus që ti ndryshe nuk do përballoheshe pupushe, duhet vërtetë të kesh fuqi të mbinatyrshme). Sonte në 2-vjetorin e lindjes tënde u desh që ne të jemi në Athinë shumë afër Akropolit, mbase Zeusi donte të takonte personalisht atë fëmijën që kur e do diçka mund ta shemb gjithë Athinën vetëm me një ulërimë! Edhe 1000 vite të tjera të lumtura plot dashuri jeta ime.”-ka shkruar Suada bashkangjitur fotos së të bijës.
