“Kiki Challange” ka qenë fenomeni i kësaj vere që nga momenti kur artisti me famë botërore Drake publikoi këngën e tij “In My Feelings” e cila do të ishte edhe kolona zanore e sfidës që përfshiu të madh e të vogël në të gjithë botën.
Duket se “Kiki-t” nuk i ka shpëtuar as diva e muzikës botërore Jennifer Lopez. Në rrjet po qarkullojnë video ku Jlo së bashku me skuadrën e saj të punës kërcen nën ritmet e “In My Feelings”. Ndoshta nuk i realizon me përpikmëri të gjitha lëvizjet e “Kiki-t” por në mënyrën e saj Jennifer duket fantastike.
E veshur me një fustan që tregon linjat e saj perfekte, artistja u bë kështu pjesë e sfidës që ka çmendur miliona njerëz në të gjithë botën.
“Iconstyle.al” po ju sjellë videon ku Jlo shfaqet duke kërcyer dhe shijuar “Kiki-n” në mënyrën e saj.
