Xhensila Myrtezaj dhe bashkëshorti i saj Besart Kallaku, priten të bëhen prindër për herë të parë. Por edhe përse është në muajt e fundit të pritjes së ëmbël, Xhensila nuk ka hequr dorë në asnjë moment nga projektet e saj muzikore.
Së fundmi, ajo ka bërë të ditur se shumë shpejt do të publikohet bashkëpunimi me këngëtarin Ardian Bujupi.
Vetë Xhensila ka publikuar në ‘Instagram’ një fotografi përkrah Ardian Bujupit, duke konfirmuar kështu bashkëpunimin e shumëpritur. Mësohet se kënga është punuar më herët dhe tashmë janë të bindur se është momenti më i duhur për ta publikuar.
“Këngë e re në bashkëpunim me Ardian Bujupin, një nga zërat më të mirë të meshkujve, vjen së shpejti. Jam shumë e lumtur dhe e kënaqur për këtë bashkëpunim”, – ka shkruar Xhensila.
