Xheraldina Vula e ëma e Ledrit sot feston ditëlindjen. Në këtë ditë të veçantë nuk ka munguar një urim po aq i veçantë nga reperi për njeriun më të mirë në botë siç e quajti ai mamanë e tij.
“Gëzuar ditëlindjen njeriu më i mirë në botë,”-shkruan Ledri krahas një fotoje të Xherrit.
Kujtojmë që Xheraldina nuk është një personazh i panjohur. Përpos që ka drejtuar disa emisione të suksesshme në Kosovë, ajo shpesh herë është shfaqur në emisione televizive apo edhe rrjete sociale. Xheraldina gjithashtu është komentuar shpesh edhe për marrëdhënien e mrekullueshme që ka me nusen e djalit të saj, Sara Hoxhën.
Më herët në një dalje të saj ajo ka rrëfyer si është njohur me blogeren.
“Sarën e kam takuar në Ulqin. Ne kishim shkuar atje për takim biznesi. Ledri nuk më tregoi praktikisht se do të vinte me Sarën. Në lokal hyri një vajzë dhe unë po mendoja ‘ua sa vajzë e bukur’, por nuk e dija që ishte Ledri mbrapa. Pastaj kur shoh Ledrin mbrapa më tha ‘Nënë kjo është Sara’. Ne kishim takim biznesi dhe kur e pruri aty mendova kjo është diçka më serioze.
Sara më pëlqen shumë se është e hapur dhe e ngrohtë me njerëzit, është e afërt. Ledri është pak i mbyllur, të thotë vetëm ‘mirëdita çfarë bën’ rri 10 minuta me ty dhe ngjitet në dhomën e tij. Ndërsa Sara rri aty. Ka qejf të bëj muhabet, ka qejf të hamë diçka bashkë, të shohim diçka bashkë. Ka një ngrohtësi, që ti do s’do të bën ta duash, pikërisht për shkak të ngrohtësisë. Ajo kur zgjohet në mëngjes më thërret ‘Pashule’ më lë vazjën në dorë dhe ikën. Ajo ka aq ngrohtësi dhe aq besim tek unë, që unë kujdesem për vajzën e saj. Për mua është një nuse yll”, tregoi Xheraldina.
