Këngëtari i njohur Ermal Fejzullahu ka festuar sot ditëlindjen e tij.
Ai ka lindur më 23 gusht të vitit 1988 dhe ka mbushur plot 31 vjeç.
Të shumta kanë qenë urimet për këngëtarin nga miq e dashamirës, urime të cilat ai i ka ndarë në Instastory me ndjekësit e tij.
Mirëpo, vëmendjen na e tërhoqi i ngrohtë i bashkëshortes së tij, Arianës.
Ajo ka publikuar një foto të Ermalit dhe krahas saj i shpreh fjalët më të ëmbla të dashurisë:
“Urime ditëlindjen dashuria e jetës time. Faleminderit për çdo sekond të jetës që më bën të jem e lumtur që jam pranë teje. Të paça gjithmonë afër. Të dua.”- janë fjalët e Arianës në postim.
Kujtojmë se Ariana është në pritje të ëmbël të fëmijës së tyre të katërt dhe më herët kanë treguar se shumë shpejt do të bëhen me vajzë.
Disa ditë më parë, Ariana organizoi një babyshower për të voglën, ku u argëtuan pa masë.
