Reperi Noizy është përfshirë në një sherr së fundi. Në videot që po qarkullojnë në rrjetet sociale ai shihet teksa godet reperin tjetër, Cllevio.
Pas zhurmës së madhe që kjo shkaktoi Noizy ka reaguar me një postim në story. Ai është shprehur se është djalë me tradita dhe se nuk lejon asnjeri të ofendojë familjarët e tij.
“Mos ma merr mirësjelljen time për dobësi. Gëzoj respekt nga e gjithë bota dhe shpesh herë anashkaloj njerëz pa tru dhe moral. Por kjo s’do të thotë asnjë moment që mund ta teprosh deri në pikën, ku ti kushdo qofsh, të ofendosh familjen time ose familjarët e rrethit tim. Jam djalë me tradita dhe zakone shqiptari. Ju lutem mos e harroni këtë gjë kurrë”- u shpreh ai.
Noizy ka shkruar poshtë, “jeta vazhdon”, duke nënkuptuar se do e lejë pas krahëve këtë ngjarje të shëmtuar.
Akoma nuk dihen arsyet që e shtynë reperin drejt këtij veprimi.
Sipas postimeve të reperit, Cllevio i ka përsëritur disa herë këto veprime edhe pasi kërkonte falje.
“Dhe nuk ka ndodh në shpi por në rrugë. Kanë hyrë brenda në lokal duke bërë si të fort deri sa dola jashtë. E kemi parë sa herë ka kërku falje dhe mbas 30 minutash prapë duke sharë. I kemi pa të gjitha. Kto lajka nuk ua blen kush.”
Ai foli dhe për akuzat se e sulmoi atë teksa ishte vetëm. Noizy tha se ai nuk ishte vetëm por me 4 makina dhe se ishin shokët e vet të cilët e lanë në baltë dhe filmuan video.
“Ju siguroj që vetëm nuk ka qenë, por 4 makina plot me çuna dhe vetëm 2 veta i dolën zot. Në besë e kanë prerë shokët e vet që kishin ardhur me bo video të gjithë me telefona në dorë.”
Reperi Cllevio ka qenë pjesë e grupit “TBA”, me të cilin Noizy dhe grupi i tij ishin shpesh në mosmarrëveshje.
Nga kjo zënkë theksojmë atë me reperin Stresi, por që dyshja janë pajtuar kohët e fundit. Në bazë të postimeve në rrjetet sociale ata mbajnë marrëdhënie të mira.
Kujtojmë që Noizy po përgatitet për koncertin më të madh hip-hop në shqipëri, siç e ka cilësuar vetë dhe do mbahet në stadiumin “Air Albania”.
reperi nuk na zbuloi shumë detaje përveç faktit se pritet që të mbahet në muajin Gusht dhe se do të ketë rreth 30 mijë pjesëmarrës.
Jo vetëm kaq por reperi ka bërë me dije se në koncert do të ketë edhe artistë internacional.
