Hera e parë kur ajo u shfaq në skenën shqiptare ishte “Top Fest 8”. Anxhelina Hadërgjonaj shoqërohej nga nëna e saj, Albërie. Të dyja parakaluan në tapetin e kuq, me mjaft stil dhe sharm. Anxhelina ishte veshur me një fustan transparent që nuk i linte shumë vend imagjinatës. Pjesëmarrja e saj me baladën “Kjo jetë s’mjaftoi”, u vlerësua me çmimin “Artisti i ri më i mirë”.
Angjelina Hadërgjonaj u njoh fillimisht si një nga vajzat e këngëtares së njohur shqiptare, por shumë shpejt arriti që të shkëputej nga ky etiketim, dhe të njihej thjesht si Anxhelina. Por sigurisht, që frymëzimin për muzikën i lindi nga nëna e saj.
“Qe e vogël kam adhuruar mamin. Gjithmonë kam dashur te bëhem këngëtare. Muzikën e kam shumë pasion”, shprehet Angjelina Hadergjonaj e cila sot është 24 vjeç.
“Ka ndikuar shumë teksa shihja mamin që bën prova dhe duke e pasur pranë më është shtuar dëshira”, përfundon Angjelina Hadërgjonaj.
Ajo që e dallonte shumë vajzën e familjes Anxhelina Hadërgjonaj nga shumica e bashkëmoshatarëve të saj, kur ishte 18 vjeç, ishte se ajo nuk mbante një telefon celular. Në lidhje me këtë, Anxhelina Hadërgjonaj ka thënë: ”Momentalisht, nuk e ndjej shumë të domosdoshëm për shkak të angazhimeve shkollore dhe aktivitetit muzikor, por, përgjigjet mami për telefonatat e mia”.
Por sot, Anxhelina është kthyer në një femër mjaft e zonja, që po vijon studimet në Shtetet e Bashkuara të Amerikës. Ajo ndiqet në rrjetet sociale për imazhin që përcjell, kujdesin që tregon për veshjet, stilin e saj dhe makijazhin.
Anxhelina është fotografuar shpesh herë me grimierë të famshëm të yjeve hollivudiane, si Kim Kardashian, Kylie apo Kendall Jenner.
Evoluimi i shpejtë i saj dhe ndryshimi nga dalja e parë skenike, kanë bërë që Anxhelina të përflitet shpesh herë për ndërhyrje kirurgjikale, për të cilat asnjëherë nuk ka reaguar.
Sa i përket çështjeve të zemrës, i vetmi mashkull që njihet se i ka rrëmbyer zemrën bukuroshes, ka qenë djali i biznesmenit në Shqipëri, Fatmir Hysenbelliu. Anxhelina e ka mbajtur të fshehtë fillimisht lidhjen e saj, por më vonë ajo ra në grackën e aparatit të paparacëve, që i fotografuan në club-et e Tiranës.
*Shfleto galerinë
Burimi: ICONstyle
