Besar Meta, djali i Presidentit të Republikës Ilir Meta dhe kryetares së LSI-së Monika Kryemadhi, feston sot 20-vjetorin e lindjes.
Në këtë ditë nuk mund të mungonte një urim publik nga baba i tij, i cili në çdo 29 prill rezervon fjalë të veçanta për të.
Kreu i Shtetit ka publikuar në Facebook një foto me të birin me krahët në qafë, teksa e uron edhe për 100 pranvera të tjera.
“Edhe 100 pranvera! Gjithmonë kuqezi!”, shkruan Presidenti, i cili shfaqet me veshjen sportive të Kombëtares ngjyrë të kuqe, ndërsa i biri me të zeza.
Besari është djali i vetëm i familjes Meta, i cili nuk jeton në Shqipëri.
Për shkak të studimeve ai e ndan jetën mes Londrës dhe Shqipërisë.
