Ditëve të ngrohta me diell po u vjen fundi dhe pritet që moti të përkeqësohet.
Duke nisur nga dita e martë situata do të ndryshojë dhe moti do ketë kthesë të papritur.
Ai do karakterizohet nga ditë me shi dhe erë e fortë.
Kështu, autoritetet detare kanë bërë thirrje për marrjen e masave për të shmangur incidentet.
Drejtoria e Përgjithshme Detare njofton se në datat 4-5-6 shkurt 2020 moti do të përkeqësohet.
Pritet që bregdeti shqiptar të përfshihe nga era me drejtim veri-perëndim dhe shpejtësi deri në 32 milje në orë.
Forca e detit do të jetë 6 deri në 7 shkalla bufort.
DPD kërkon bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritjen e gadishmërisë së ekuipazhit në mjetet lundruese.
