Ndryshon ligji: S’ka më dypunësim për mjekët dhe infermierët

Mjekëve që ushtrojnë profesionin e tyre në institucione publike ose jopublike shëndetësore, nuk do tu lejohet më dypunësimi.

Sipas ndryshimeve në ligjin nr.10107,  datë  30.3.2009, “Për kujdesin shëndetësor në Republikën e Shqipërisë”, është propozuar si alternativë pezullimi i njërit prej profesioneve gjatë kohës që je duke ushtruar një profesion të caktuar.

Lexo edhe :

Ishte vetëm 23 vjeç kur një ndeshje i ndryshoi jetën përgjithmonë/ Shuhet Prichard Colón, boksieri që kaloi 221 ditë në koma

22:27 13/08/26

Kur të vjedh njeriu që i besoje më shumë: A mund të shpëtojë një miqësi pas një tradhtie të tillë?

14:28 13/08/26

Sa u përket certifikimeve të mjekëve dhe infermierëve, ligji i ri parashikon sanksione specifike për drejtuesit e institucioneve shëndetësore publike,  në  rast  se  profesionistët  e  punësuar  në  to  nuk përmbushin kërkesat  e programit të certifikimit.

“Profesionistit të shëndetësisë, që nuk përmbush kriteret e programit të certifikimit, i pezullohet/ndërpritet kontrata me institucionin shëndetësor dhe nuk i rinovohet leja e ushtrimit të profesionit nga urdhri profesional përkatës. Rifitimi i lejes së ushtrimit të profesionit bëhet vetëm pasi profesionisti i nënshtrohet provimit të certifikimit”, thuhet në ligjin e ri.

Gjithashtu, në rast se mjekët e punësuar në institucionet publike të kujdesit shëndetësor nuk përmbushin kërkesat e programit të certifikimit, për drejtuesit e tyre merren masa disiplinore deri në lirim nga detyra.

/Monitor