Kristen Stewart e nisi Festivalin e Filmit të Kanës duke paraqitur me një T-shirt të bardhë kombinuar me një fund të ngushtë nga Chanel.
Por pavarësisht se veshjet duket se ishin dizajnuar për njëra-tjetrën, stilistja e Stewart mbi një dekadë, Tara Swennen, zbuloi se ata e prenë bluzën Chanel mëngjesin e fotove të “Cafe Society”, për ta bërë paraqitjen të ndihej më shumë “Kristen”.
“Ne e premë atë mëngjes. Mund të them se e premë rreth 17 cm. Gjithmonë më bën të përulem, sikur Karl Lagerfeld do të më vrasë në një pikë. Por është një T-shirt, nuk ishte aq keq. Ne kishim si opsion një pulovër dhe nuk ishte e duhura me motin, kështu që ne vendosëm të prisnim bluzën. Është shumë Kristen”, tha Swennen.
Në fakt aktorja u kthye sërish me bluzën atë mbrëmje në darkën e Opening Ceremony Gala, këtë herë duke e kombinuar me një minifund Barrie dhe atlete.
“Në këtë pikë unë gjithmonë do t’i dërgojë një foto duke mbajtur këpucët, duke bërë shaka”, tha Swennen për “The Telegraph”. Stilistja thotë se ka bërë kompromis me aktoren rreth këpucëve me taka dhe atyre shesh.
“Në të vërtetë këpuca është një element komforti në fund të ditës. Por në këtë pikë është çështja e saj çfarë do të zgjedhë, kështu që nëse ajo do të ndryshojë me atlete, për sa kohë që shkojnë me veshjen, ne jemi të aftë ta bëjmë këtë”.
Burimi: The Telegraph
