Kontributi i këngëtares ikonike Lana Del Rey, përmes muzikës së saj melankolike, do të studiohet në Institutin Clive Davis të Universitetit të Nju Jorkut muajin e ardhshëm.
Universiteti do të nisë nis një kurs të dedikuar tërësisht studimit dhe lidhjes së këngëtares ikonike me çështjet sociale, si Black Lives Matter, Me Too dhe Times Up .
I titulluar “Topics in Recorded Music: Lana Del Rey “, kursi do të zgjasë nga 20 tetori deri më 8 dhjetor dhe do të mësohet nga gazetarja dhe autorja e mirënjohur Kathy Iandoli.
Kursi do të eksplorojë gjithashtu marrëdhënien e këngëtares me feminizmin si dhe ndikimet e saj muzikore.
Sipas Variety , përshkrimi i kursit thotë: “Gjatë tetë albumeve të vlerësuar nga kritika, artistja e nominuar gjashtë herë në Grammy ka prezantuar një version të trishtuar, melankolik dhe barok të pop-it të ëndrrave që nga ana e tij ndihmoi në ndryshimin dhe rishpikjen e tingullit (dhe mood-in) të muzikës përtej viteve 2010. Nëpërmjet pamjeve të saj tërheqëse dhe vëmendjes drejt tematikave të shëndetit mendor dhe tregimeve të dashurisë toksike, Del Rey ofroi një platformë të re për artistët e të gjitha gjinive për të krijuar vepra “anti-pop” që mund të jetonin në një rrjedhë të zakonshme dikur të kategorizuar si ‘bubblegum’.”
Iandol tha për gazetën se këngëtarja, e cila u diplomua në Universitetin Fordham në NYC, “është edhe një plan dhe një përrallë paralajmëruese, një yll i ndërlikuar i popit që rezonon kaq shumë me fansat e saj, jo për shkak të asaj se si i bën të ndihen për të, por më tepër se si ajo i bën të ndihen për veten e tyre. Ajo ka ndryshuar parametrat e pop-it barok dhe tani më konkretisht të ‘sad girl pop-it’ përmes muzikës së saj, duke zgjeruar temën që ndonjëherë është e diskutueshme dhe sfiduese. Ka kaq shumë pjesë në këtë mozaik që ne tani e kemi njohur si Lana Del Rey dhe ky kurs shqyrton çdo dimension të saj”
Në fillim të këtij viti, Instituti Clive Davis i universitetit prezantoi kursin e tij të parë mbi Taylor Swift, i cili zgjati nga 26 janari deri më 9 mars.
Kursi u tregua kaq i popullarizuar saqë Universiteti i Teksasit në Austin ndoqi shembullin dhe tani po u ofron studentëve një kurs shkrimi këngësh të fokusuar në qasjen e fituese së 11 herë të çmimit Grammy për të krijuar tekste.
