“Meta” (kompania mëmë e Facebook) është zgjedhur kompania më e keqe e vitit 2021nga të anketuarit e “Yahoo Finance”. Në anketë morën pjesë 1541 njerëz dhe “Facebook” mori 8 për qind të votave me shkrim.
“Yahoo Finance” vëren, se “Facebook” ka pasur pjesën e tij të polemikave këtë vit. Duke filluar nga janari, “WhatsApp” në pronësi të “Meta” u përfshi në një polemikë të madhe pasi aplikacioni i mesazheve njoftoi një politikë të re të privatësisë (Kushtet e Shërbimit). “WhatsApp” tha se do mbledhi informacionin e përdoruesve dhe t’i ndajë ato me aplikacionet e palëve të treta për një përvojë më të mirë të përdoruesit. Megjithatë, aplikacioni nuk u dha përdoruesve zgjidhje, por më vonë bëri modifikime me politikën në fjalë nën presion. Në mënyrë të ngjashme, kompania ishte nën vëzhgimin më të madh pasi ish-punonjësja e “Facebook”, Frances Haugen zbuloi një sërë dokumentesh të brendshme që tregonin praktikat problematike të kompanisë. U zbulua se Instagrami në pronësi të “Meta” kishte një ndikim negativ tek vajzat adoleshente, por kompania nuk bëri pothuajse asgjë për të korrigjuar problemin.
Yahoo Finance madje thekson:
“Në të njëjtën kohë, disa kritikë, duke përfshirë konservatorët, thonë se “Facebook” e mbi-policoi të drejtën e fjalës në platformë dhe mbyti zërat e tyre. Kritikët fajësojnë gjithashtu “Facebook-un” dhe platformat e tjera të mediave sociale për mosfrenimin e gjuhës së urrejtjes që çoi në trazirat e Kapitolit më 5 janar të vitit 2020 në SHBA.”
Megjithatë, rreth 30 % e lexuesve të “Yahoo Finance” thanë se “Facebook” ose “Meta” mund të korrigjonin veten. Një i anketuar sugjeroi që kompania mund të kërkonte një falje formale për neglizhencën dhe të dhuronte një sasi të konsiderueshme të fitimeve të saj për një fondacion për të ndihmuar në lënien pas të dëmit që ka shkaktuar.
