Personazhe të njohur janë kritikuar së tepërmi kohët e fundit për shkak të festave të organizuara në kohë pandemie. Megjithatë ka dhe nga ata që veprojnë ndryshe për të mos vënë në rrezik jetën e askujt.
Aktorja amerikane, Jenna Dewan, festoi 40-vjetorin në privatësi të plotë dhe ka dhënë një mesazh me rëndësi për fansat e saj. Ajo ka treguar se ditën e saj më të rëndësishme e ka kaluar në shtëpi për shkak të pandemisë dhe shtimit në masë të rasteve të reja.
“Edhe pse doja shumë të festoja shumë me miqtë dhe familjen këtë përvjetor… ne jemi në mes të pandemisë. Dhe unë kujdesem shumë për jetën e të tjerëve. Kështu, unë festova në shtëpi me Steve, Evie dhe Callum dhe ishte perfekt”, ka thënë ajo.
Aktorja ka shtuar se gjatë këtij viti ka mësuar shumë për veten dhe botën e se beson se gjithçka ndodh për një arsye. Kujtojmë se Dewan është nënë e një vajze 7 vjeçe, që e ndan me ish-partnerin Channing Tatum dhe po ashtu është nënë e një djali 9-vjeçar, që ka ardhur në jetë nga lidhja me të fejuarin e saj Steve Kazee.
