Ajo është kthyer së fundmi në një burim frymëzimi për shumë gra, që kanë përballuar sëmundje të rënda dhe vazhdojnë karrierën e tyre profesionale.
Estela Ujka u kthye në një shembull për të gjetur kurajën në çdo moment të jetës, pavarësisht vështirësive. Dhe ndërsa festoi dje 37-vjetorin e lindjes, blogerja e modës na njohu me motrën e saj binjake.
Shumë pak prej jush mund ta dinin, por Estela ka gjithashtu dy motra, një prej tyre është binjakja e saj dhe quhet Estera.
Në fakt dy motrat nuk ngjajnë dhe aq shumë, nëse kemi në mendje atë ngjashmërinë e binjakëve.
Të dyja janë brune, por dallimet në tiparet e tyre janë të dukshme.
Gjithashtu Estela na prezantoi edhe me motrën e tyre më të madhe:
Kujtojmë se pak kohë më parë blogerja e modës foli për sëmundjen e rëndë dhe rrëfeu se gjeti kurajë te familja e saj:
“Sëmundjen në familjen time e përballuam vetëm ne të pestë dhe të pestë gjetëm forcë tek njëri-tjetri. Gjithçka që doja ishte të ishim bashkë, të shijonim njëri-tjetrin dhe sëmundja kaloi dytësore. Njeriu duhet të fokusohet vetëm tek gjërat e mira në jetë”.
/Iconstyle.al
