Pas aksidentit në Autostradën Tiranë-Durrës, ku pas përplasjes dy makina dolën nga rruga, një tjetër aksident ka ndodhur ditën e sotme.
Kësaj here ka ndodhur në zonën e ashtuquajtur “Kryqëzimi i Gjadrit” në autostradën Lezhë-Shkodër, si pasojë e të cilit fatkeqësisht ka humbur jetën një i moshuar dhe është plagosur bashkëshortja e tij.
Motoçikleta në të cilën udhëtonte 76-vjeçari me iniciale N.Gj së bashku me bashkëshorten e tij 75-vjeçare është përplasur nga një makinë që drejtohej nga 36-vjeçari me iniciale A.H.
Ky i fundit është shoqëruar në polici, ndërkohë aktualisht po policia po punon për zbardhjen e plotë të ngjarjes së trishtë. /balkanweb.com
