Moderatorja Alketa Vjesiu pak më parë ka zbuluar në Instagram se është duke kaluar një ditë të qetë në Jug të Shqipërisë.
Ajo ka publikuar një video në Instagram ku zbulon bukuritë e vendit tonë dhe krahas saj shkruan se është krenare që është shqiptare.
“Shqipëria bukuroshja e Mesdheut, toka që aq shumë dua”, shkruan Alketa.
Kjo video e moderatores ka ngjallur shumë komente tek ndjekësit e saj, të cilët i janë vënë kundër.
Një ndjekëse e quan Alketën hipokrite dhe i kujton se ajo nëse do e donte Shqipërinë nuk do i bënte pushimet jashtë vendit dhe nuk do kishte jetuar për aq shumë vite jashtë.
“Ta doje aq shumë ti nuk do të kishe jetuar për aq shumë vite jashtë, të lindje fëmijët jashtë apo të bëje pushime jashtë. Mjaft me këto skena se bëheni pas si shumë hipokrite”, shkruan komentuesja.
Këto fjalë duket se i kanë bërë përshtypje edhe vetë Alketës e cila nuk ka hezituar t’i japë një përgjigje.
“Unë jetoj në Shqipëri, nuk kam jetuar kurrë jashtë”, shkruan Alketa duke i përmendur edhe emrin ndjekëses së saj.
Alekta e ka treguar gjithmonë se ka një dobësi për vendin e saj, pasi është shprehur se Shqipëria i ka hapur shumë dyer.
