Këngëtarja Era Istrefi është bërë shumë hermetike kohët e fundit dhe përveç faktit se nuk është aktive në muzikë, poston shumë rrallë edhe në rrjetet sociale. Megjithatë, ajo e ka gjetur pak kohë për ndjekësit e saj duke i dhënë mundësinë atyre t’i bëjnë pyetje të ndryshme të cilave i është përgjigjur në InstaStory.
Dikush i ka kërkuar këngëtares të zbulojë një foto të listës së demove që ka gati dhe Era s’ka vonuar ta publikojë. Siç mund ta shohim nga fotot, këngëtarja ka një listë të gjatë me surpriza për vitin 2021, të cilat mezi po i presim!
Sakaq, s’kanë munguar as pyetjet rreth jetës së saj private, por si gjithnjë Era nuk ka treguar asgjë.
Një fanse i ka kërkuar një foto me të dashurin dhe këngëtarja ka publikuar një foto me para në dorë, duke nënkuptuar se ato janë “dashuria e saj”, sikundër e shumë personave.
“E martuar me paratë”- ka shkruar autorja e hitit “Bonbon”.
Vitin e fundit Era u përfol për një lidhje Julian Perreta dhe marrëdhënia e tyre ka ngritur pikëpyetje tek publiku dhe prej kohësh është aluduar se dyshja po shijon një lidhje dashurie. Madje, fjalët e fundit të Perretta-s për Erën i hodhën më shumë benzinë zjarrit, pasi ai e quajti këngëtaren shqiptare “bota ime”.
Epo, megjithëse besonim të kundërtën, në shtator u konfirmua një herë e mirë se s’ka asnjë romancë pasi Era dhe Julian-i janë vërtetë shokë!
Në fakt, këngëtari ka prezantuar të dashurën e tij, një bukuroshe brune e cila udhëtonte në makinë me të dhe i kishte mbështetur kokën mbi sup. Jo vetëm kaq, por Perretta ndau edhe një foto nga pushimet në plazh, duke e bërë mëse të qartë se zemrën e tij e ka vjedhur vajza e quajtur Kambree Dalton.
